「燕赤霞」午馬肺癌病逝

午馬（原名馮宏源）出生於天津，1965年憑電影《花木蘭》一片成名，其後於張國榮與王祖賢合作的經典電影《倩女幽魂》中飾演燕赤霞一角，憑着精湛的演技，勇奪第24屆金馬獎最佳男配角。午馬早前不幸患上癌症，至昨日凌晨因肺癌逝世，享年71歲。其遺孀馬燕透過短訊通知好友有關午馬死訊：「其實午馬十個月前已經肺癌擴散，他的生命期是很短的。如繼續化療，他必將在病榻上度過，這是他最不願意的！這幾個月他在原始點的幫助下，以最佳的精神狀態，享受工作、享受生活，瀟灑的走完了他的最後這段路，我很安慰！他是我心目中的英雄、我引以為傲的丈夫！」

而午馬生前的金牌監製好友張權透過電話傷感地說：「年初四晚邵氏有個聚會，午馬仲捐咗一萬元出嚟抽獎，但佢人冇到，估唔到咁就走咗。農曆新年前同佢去過廈門旅行，當時日日都玩同食，佢面色冇嘢又唔瘦，我仲以為佢好番。」

兩層樓留贈幼女

此外，曾與午馬合作的方中信透露，上一次見午馬是去年的事：「當時佢好開朗，好精神，完全唔似有病。佢仲透露買咗兩層樓畀個女，話如果日後有乜事個女都有個依靠，當時我以為老人家為個女着想先咁講。」

此外，息影女星王玉環當年與午馬走在一起15個年頭，後來和平分手，她亦早已轉行從事保險。對於舊愛突然辭世，她大感愕然：「我喺微信圈中得悉佢唔喺度，我哋分咗手20幾年，一直冇聯絡，直至早排佢喺醫院打畀我話有病，問我保險同醫生啲資料，當時佢話骨痛，我問佢係咪五十肩，當然最終都幫唔到佢買保險。後來我再打去問候佢，佢就話冇問題，仲同我講多謝關心添！」

舊愛王玉環愕然

談到與午馬相處的點滴，王玉環直言彼此有不少難忘事，但礙於尊重對方的家庭，不便透露。問到會否往靈堂鞠躬致祭時，她說：「唔會，唔係幾方便，如果畀人寫啲乜就唔好啦！我只可以喺度同佢講句：安心上路。」