鄧麗欣（Stephy）跟方力申秘婚傳聞言之鑿鑿，「婚後」Stephy生活愈來愈富貴，在運輸署發SF字頭車牌的時期，即豪擲120萬元買辣跑，車牌冠上小方姓氏，甜蜜到漏！

Stephy閒時行吓街買吓Cake，生活悠閒得儼如闊太。

駕駛波子出巡的Stephy（左），相約友人Shopping。

《好報》獨家踢爆Stephy的辣跑車牌「冠夫姓」。　

鄧麗欣跟方力申去年傳出秘婚消息後，生活愈來愈富貴，繼進駐豪宅比華利山獨立屋後，又被《好報》踢爆一擲120萬元購入白色保時捷（波子），車牌「SF」打正旗號冠上夫姓，即「Stephy Fong」，擺明公開兩人的「夫妻」關係。Stephy昨日透過經理人笑說：「個車牌係運輸署發o架，呢期係輪到SF字頭，攞牌時我覺得跟我個歌迷會名Stephy Fastasia貼切啲囉！」

兩頭住家開餐

過去兩年，Stephy在內地狂賺人仔，住豪宅揸靚車，對此她笑說：「之前喺內地做嘢，買咗都冇得揸，今年正式回歸咪買囉，當獎勵自己！」

Stephy亦被《好報》一連幾日影到駕駛靚車四圍出巡，陪媽咪、朋友歎茶，又影到她與小方不時互訪對方寓所過夜，對於秘婚後仍各自與家人居住，Stephy說：「我哋成日去對方屋企食飯，唔係同居。」