有份參演英皇電影《救火英雄》的吳浩康（Deep），受同片拍檔任達華影響而操出爆肌，他不介意與女友鍾舒漫（Sherman）合作，但揚言嚴禁對方拍床戲，誓要將她「私有化」！

勤力操肌的吳浩康揚言，只要劇情需要，不介意裸露演出。

吳浩康與鍾舒漫愛得公開。

與歌手鍾舒漫（Sherman）公開戀情的吳浩康（Deep），早前與謝霆鋒、任達華等拍英皇電影《救火英雄》，他很開心全男班合作，笑指男人間相處未及與女人般麻煩。他指拍攝最辛苦是要以急促情緒清晰地說對白，在錄音室又難培養情緒，結果花了兩天配音。

清減不少的Deep自爆是受戒零食的任達華影響，加上堅持早晚跑步及健身，成功練出弗爆肌肉，他笑言若拍續集劇情需要剝衫、裸露亦冇問題。問到可會情侶檔拍戲，他不表介意，反而搞笑地諗觀眾會否有興趣：「現實生活都係咁，睇嚟做乜？」至於床戲？他說：「睇公司。（私事可以放銀幕？）第一，我哋私事方面暫時婚前係冇床戲，第二，其實我喺呢方面幾介意，就算佢對手係我都唔太想，唔想將佢床上嗰面展示喺大銀幕畀人睇。」

讚謝霆鋒勁

面對《救》片多位影帝級演員，Deep的壓力卻來自自己：「壓力係對自身嘅要求，希望可以同對手有健康嘅交流。（今次同邊個拍得最順？）霆鋒，佢勁咗，演技穩定咗！」