鄭中基（Ronald）、蘇珊及譚嘉荃（Amy）日前在深水埗士多拍攝電影《奇緣灰姑娘》，場口講述剛與女主角劉心悠分手的Ronald，在蘇珊經營的士多買東西時發現自己被警方通緝，只見他每完成一個鏡頭即上前與導演睇Playback，十分專業！對於女兒早前支氣管發炎，Ronald說：「見佢人仔細細抱住個照肺機好慘，轉頭望我又幫唔到手，好心痛！」雖然想生多個B陪囡囡，但Ronald說：「學吳君如話齋愈想要就愈冇！（搵生仔聖手？）咁又唔使，仲有氣有力。」他透露買了個「廚房」給愛女作聖誕禮物：「佢好鍾意食。」

蘇珊（左起）、鄭中基及譚嘉荃合作時有商有量，氣氛融洽！

投入拍戲的鄭中基，對愛女的健康擔心不已。

至於身兼演員及助理監製的Amy，大嘆難以同時兼顧兩方面：「做藝人要人緣好，有咩事搵經理人就得，但做助理監製就要好強，所有嘢都要親力親為，有時我做助理監製不免會同Crew有Argue（拗撬），但之後都會講番唔好意思，怕到我做演員時拍得我唔靚，但我兩樣都鍾意做。」瓣數多多的她明年會出碟，實行歌、影、幕後三棲發展，故忙到連休息時間也沒有：「病咗幾次，隻碟啲歌會自己作曲作詞同監製，希望新年出到，好期待個B出世。」