米雪在無綫劇《貓屎媽媽》中扮演事業型女性，現實中的她亦穿梭香港與內地，乃游走於公仔箱及舞台的大忙人：「拍劇同做舞台劇有唔同滿足感，做大戲更加係大挑戰，因為冇正式學過，好多謝李居明咁大膽用我，其實都推咗兩次，反而佢對我好有信心，今年都會繼續玩。（想做啲幕後工作？）90年代搞過舞台劇，當時覺得有份責任去推廣，因為我鍾意演戲，後來即使我做幕前，都冇切斷同幕後嘅關係，開工時會樣樣學啲，例如點打燈可以令演員更突出，其實學多啲對拍戲都有幫助，呢啲係自己嘅得着！」

中港兩邊走的米雪，閒時亦會抽空陪伴家人。

於《貓》劇演女強人的米雪（左起）極具霸氣，與「小三」胡定欣及「囡囡」岑麗香惡鬥連場。

她又以《貓》劇的事業型女性角色為例，提醒觀眾要注意事業與家庭的平衡：「雖然我都係以事業為主，但唔會疏忽屋企，以前去邊都會帶埋媽媽，休息又會陪佢飲茶同行街，覺得年輕人唔好疏忽呢啲嘢，因為好多時當你想做時，可能會後悔做得太遲！（事業與家庭難平衡？）睇你想要啲乜啦！我覺得事業同家庭係可以兼顧，但會好辛苦，不過我熱愛演藝工作，就會好有推動力！」