成功由舞台跳入電視螢幕的張繼聰，新一年又有新搞作，找來陸永等好友組成另類組合「高矮肥瘦」，希望以跳舞歌在樂壇殺出新血路。

張繼聰計劃與幾位好友組成組合「高矮肥瘦」，再闖樂壇。

張繼聰表示因工作太忙，與太太Kay和囝囝少了見面時間。

張繼聰認為踩單車是跟囝囝的親子活動。

過去一年密密拍劇的張繼聰，計劃新一年在音樂上來個突破，找來農夫的陸永、前朱凌凌成員白只和DJ Galaxy，組成組合「高矮肥瘦」勇闖樂壇，他說：「其實我哋喺我之前音樂會上已經表演過，講真自己做音樂咁多年，同佢哋夾吓一齊玩，好有新鮮感。」

阿聰笑言「高矮肥瘦」的賣點是夠另類，主打跳舞歌：「希望我哋做嘅歌有機會進佔夜場。」但由於各有各忙，四人開會做歌亦特別困難：「好彩大家都住得近，寧願瞓少幾個鐘先可以坐埋一齊開會。」

近日又要為電影和舞台劇開工的阿聰坦言，連見太太謝安琪（Kay）和囝囝張瞻的時間少了很多：「我哋幾個月都好難一齊睇場戲同食個飯，兩公婆都還好，小朋友就更加唔夠時間陪佢，好似之前要準備音樂會，連佢學校嘅活動我都參加唔到，我真係好後悔，所以依家一有時間就會陪佢玩。」

Kay愛踩單車

踏單車是阿聰跟囝囝的親子活動之一，他說：「佢依家踩單車仲要用輔助轆，但已經好有車手潛質，一見到直路就係咁踩，我要喺後面跑步追。」阿聰又透露，太太Kay亦非常喜歡踩單車：「佢之前生完BB，都係我陪佢不停踩單車收身呀。」