由黃柏高力捧的跳唱女子組合As One專程飛去倫敦習舞，難得去到外地，當然不會放過任何玩的機會，為集訓之旅增添趣味！

As One在倫敦與街頭藝人扮的銅像合照，感覺有趣。

As One難得去到倫敦，當然要順道玩餐飽。

As One在排舞室拉筋準備練舞，相當認真。

跳唱女子組合As One早前飛去倫敦深造舞藝，期望為香港樂迷帶來新驚喜，成員Elfa說：「倫敦教舞嘅速度好快，同香港真係好唔同，好多時候教練教咗兩、三次，就要我哋即刻跳到。」練舞之餘，她們不忘玩番夠本，成員Nata更自爆在當地「畀仔撩」：「旅遊區有好多街頭賣藝人士，有啲人會塗到全身金銀色棟篤企扮銅像，又會主動撩你玩，仲可以同佢影相添，真係好Nice。」

而成員Shin就話難得去到英國，當然要勁擦美食，她笑說：「我哋專登去海鮮街市食生蠔，即撈即開即食，真係好新鮮，同香港好唔同。」雖然食得是福，但她們都話「蠔戰」過後發福不少。問到可覺得當地的「鬼仔」比「港男」更吸引？Elfa說：「外國人真係高大啲，行路又慢啲，好識得享受，不過最緊要係溝通到。」

英國食到肥

早前因子宮生良性瘤而休息的Oli已重新歸隊，Oli冇走樣依然Fit爆，難怪三女都同時大呻：「佢靚咗，反而我哋去完英國就肥晒。」