性感女星Naomi（馮鎵瀠）日前到旺角出席產品宣傳活動，她表示已很久沒有到鬧市開工，難怪吸引多位男Fans包圍她：「因為之前去過旺角做嘢，身邊Model畀人鹹豬手，令我有陰影，咁今次着得多布，活動又健康所以接咗。」期間她親切地逐一與Fans互動及合照，令其他Model被冷落，她直言感到不好意思。

恨嫁的Naomi開到口想做楊太，男友係時候做嘢喇！

搞鬼的Naomi與粉絲作近距離接觸。

問到新年願望，Naomi指正游說甜品師傅胞兄合作搞生意，來年想做食肆老闆娘！至於感情方面，她笑言想嫁予圈外靚仔楊姓男友：「想盡快嫁得出，做楊太！」