「宇宙最強」甄子丹聯同周潤發及郭富城等拍新片，飾演孫悟空的他猴子上身，拍攝時突向「玉帝」發哥猴子偷桃，嚇到發哥「出手」兼鬧百厭。

身手敏捷的子丹竟敢「偷襲」發哥，相當抵死！（資料圖片）

甄子丹

子丹最近於星皓巨製《西游記之大鬧天宮》飾演經典人物孫悟空，雖然拍攝過程艱辛，每天花5小時特技化妝，加上要屈膝演戲，但能與發哥、郭富城及陳慧琳等經驗演員合作，總算有點安慰！

身兼動作導演的子丹，又着老闆花數十萬元購入提升空中飛行動作的道具，他指城城對提升空中動作的道具大感新奇，不時表現得不亦樂乎，發哥則深明鏡頭走位，毋須多講已達要求。

問到拍攝期間有否受傷？子丹說：「傷都係來自多年來拍戲嘅勞損，頸同腰瞓覺都會痛。」他暫時卻無意轉型：「甄子丹三個字已經代表同動作掛鈎，算係職責所在，依家做到就做，仲燃燒緊，創作空間好多仲想試，除非有日冇咩諗法，先轉做監製，呢兩年仲有團火！」

回憶手感

談到拍攝趣事，子丹笑指有次與發哥演對手戲，突然施展一招猴子偷桃，令發哥招架不住：「嗰次冇排就去撩佢，佢即刻拍一拍我隻手，Cut機後就話我百厭，我答佢係孫悟空百厭！（真係掂到？）冇出盡力，驚佢接唔住，留少少力，係點就等我回憶吓手感先！（發哥有咩反應？）咪問我搞咩，唔驚發嫂鬧咩！」

對於周星馳多年前也演過孫悟空，子丹卻表示無懼比較：「咁咪好囉！呢10年8年孫悟空嘅演繹方法幾顛覆，唔係仔睇，希望可以還原番仔時嘅純真，星仔就演得都市人啲，我就動物化啲！」