HotCha成員Winkie的最新派台歌獲Rapper MastaMic助陣，令她放下心頭大石，並感謝對方支持：「以前錄歌係好緊張，啲人成日話錄音室係Stupid Room，入咗去就會緊張，驚其他人聽到你唱得好唔好，但同MastaMic合作就好似朋友咁，從佢身上學到好多技巧，所以好放心將自己交畀對方！」

Winkie新歌有MastaMic助陣，笑言放心將自己交給對方。

想轉戰做Rapper的Winkie，曾試過缺氧入院，故坦言日後要努力練氣：「其實一路都想學Rap，今年嘅願望係同其他Rapper歌手合作，但無論Rap定跳舞都要練氣！因為之前試過睇MC仁表演，佢一出場我勁興奮，真係名副其實抖唔到氣，成個人缺氧勁暈，搞到經理人孭我去醫院，點知去到登記就冇事！」