日模松岡李那來港三年多，面對樓價高企，仍希望可以圓置業夢，在日本及香港買磚頭，自言為儲首期，願搭公共交通工具代步做慳妹。

Linah希望可以在日本及香港買樓，打造安樂窩。

Linah坦言不敢去夜蒲，因不想再有負面新聞。

Linah平日會以公共交通工具代步，但卻試過落錯車。

Linah依舊只認與林德信是朋友關係，但又成日拍拖斷正！

每個人都有一個置業夢，想不到連日模松岡李那（Linah）也不例外，她坦言希望可以在日本及香港兩地置業，組織屬於自己的小天地：「我好想去買樓，但知道香港樓價好貴，又唔知喺邊度可以買。我理想嘅家係有個泳池同花園。」為向理想進發，Linah自言日常開支應使則使，平日除下廚為樂外，還會乘搭公共交通工具代步：「我平時會煮早餐同晚餐，仲會搭巴士同港鐵，坐上層第一排去睇風景添！」她又自爆搭港鐵時曾經搞錯地方，最終遲到收場：「有日我要去灣仔工作，點知去咗柴灣，最後搞到遲晒大到。」

拒絕夜蒲怕炒作

不知不覺，Linah已入行有三年多，她坦言現時不敢去夜蒲，因不想有任何炒作新聞出現：「有好多嘢我冇做過，但人哋都會作古仔，如果真實嘅冇所謂，但如果唔係我就會好唔舒服，對我好唔公平。」問到與緋聞男友林德信的關係，她坦言是好朋友，還會與他一起分享做瑜伽及音樂。