英皇女歌手許靖韻（Angela）在剛過去《十大中文金曲》頒獎禮奪得優異獎，雖然已經是第2次踏上頒獎台，但她仍然好緊張，她笑說：「好多人都漏咗冇多謝，好似屋企人，真係要多謝公司3年來嘅栽培。」

許靖韻為着得靚要忍住捱餓，認真「愛靚唔愛命」。

當晚Angela穿上一襲白色大露背裙，非常性感，她說：「啲同事都讚好靚，為咗條裙成日都唔敢食嘢，前一晚仲喺屋企狂做Sit Up，因為條裙好窄，我都驚着唔落。」

她坦言不介意性感，最重要睇場合，她已為之後的《勁歌金曲頒獎禮》挑選了合適服裝，她笑說：「《勁歌》條裙一樣好窄，真係一步一驚心，所以班同事已經嚇我，話呢幾日唔好食咁多，頒獎禮嗰日都係唔食嘢。」