嬌滴滴的糖妹（黃山怡）化身「武打巨星」，與古明華宣傳動畫，又即場變身性感女鬥士大派「迷湯」益粉絲。談到新年願望，糖妹自爆要火速變索，希望能與「台仔」及「韓仔」做對手戲！

揚言做鬥士都要可愛的糖妹嘟晒嘴，又真係幾Kawaii！

為動畫角色配音的糖妹變身「武打巨星」。

蘇基聲演體形龐大的角色，睇落又幾似樣喎！

糖妹在活動上跟觀眾（右）大玩角色扮演。

歌手糖妹與「蘇基」古明華早前在商場宣傳有份聲演的動畫電影，大會邀請現場觀眾與二人玩角色扮演，穿上斗篷並手持長劍的糖妹大擺可愛甫士話：「如果要我扮戰士，我希望係一個可愛、健康而性感嘅鬥士。」

問到二人在配音時可有難忘事？聲演女鬥士的糖妹揚言第一次做「武打巨星」，所以大感興奮：「因為套戲有好多打鬥場面，我成日都要『蝦！呵！唏！』同啲酒鬼打交，導演讚我配得好有現場感！」至於富有配音經驗的古明華則笑言被考起：「因為我個角色有雙重性格，成日一時一樣，配完個人好似精神分裂咁。」

蘇基恨搵人仔

至於新一年工作上有何目標？糖妹希望為新MV積極減肥做「索妹」，在旁的古明華笑問：「鍾唔鍾意韓星做男主角先？」糖妹即自爆：「哈哈！我對台仔或者韓仔都唔拘！」

至於古明華則希望來年有機會到內地賺「人仔」，問到是否保持「蘇基」形象有助吸金？他識做地說：「其實我覺得長頭髮有啲辛苦，但大家鍾意就得啦！」