強悍阿佘食住 馬國明頭耷耷

佘詩曼（阿佘）與馬國明日前遠赴新加坡，為TVB的愛情微電影《愛情來的時候》新加坡篇進行拍攝工作，提到有指拍攝期間「姣溝」筍盤馬國明，阿佘澄清是馬國明追她！她在劇中飾演其上司，故馬國明只能「頭耷耷」聽命，更被要求當男伴到她前男友婚禮中「踩場」。首次與阿佘合作的馬國明認為對方是專業演員：「同佢好有火花，仲會齊齊加戲同小動作，覺得好夾。（同阿佘Friend咗？）以前喺電視城見到會點頭，依家都會傾偈。（唔怕傳緋聞？）唔驚，當係做宣傳。知道拍劇時有狗仔跟，真係好多謝記者畀面，成日話我畀女溝，希望各位女演員唔好介意。」又大爆劇中被阿佘「錫面珠」，自言艷福不淺。