陳茵媺（Aimee）分娩後個多月便火速復出賺奶粉錢，好友曹敏莉與戚黛黛最近曾探「Mo仔」Aiden Joshua，曹敏莉讚BB遺傳父母優良血統，鼻子似爸爸，嘴仔則似媽咪。本身育有一仔一女的她笑言，與陳茵媺離不開傾談湊仔經：「我哋有個Group Chat，大家做咗媽咪後變咗傾BB經多，互相提點吓，好似天氣凍要幫BB着多啲衫咁。」

好友曹敏莉（左）與戚黛黛指「Mo仔」似足爸爸陳豪。

而戚黛黛與Aimee住在同一屋苑，自然不時探望BB，她說：「一得閒就去探，探咗幾次仲有薑醋食添！我覺得依家BB似足阿Mo，但BB個樣成日唔同，可能遲啲又似番Aimee。（Aimee極速收身？）係呀！佢真係好Fit，因為佢佗BB嗰陣Keep得好好唔肥，所以好快收身。」