與Aimee差不多時間榮升媽咪的諸葛紫岐（Marie），昨日撞正又是產後首度現身公開場合。身形已回復苗條的Marie否認是因為湊B太辛苦，但自認是緊張媽媽：「BB有少少唔舒服，我就帶佢去醫院，食太多又驚佢腸會絞住痛。我唔係神經質，但始終係第一胎又啱啱出世，頭三個月好緊張。（有冇同BB禦寒？）我之前包到佢實，搞到佢出濕疹！」她還表示「岐麟B」現時個多月大，但已有9磅多重，一日食足七餐，Marie自豪地說：「沖涼、餵奶日日都係我做，老公都有幫手，但佢手忙腳亂，我叫佢唔使幫喇！（你係100分媽咪？）我覺得我99分冇問題，問我咩BB嘅嘢都識，仲爭嗰1分係因為要謙虛。」她又透露將為BB舉行百日宴，中文名字由曾祖父跟族譜而改，至於有否計劃再添丁？她說：「唔知點答，開刀要Recover咗先，好傷。」

諸葛紫岐咁啱又產後復出，講起湊仔經即眉飛色舞！

諸葛落手落腳湊「岐麟B」，還嫌老公阻手阻腳！