現年41歲的童愛玲（Eileen），日前撇下老公王敦民，帶9歲囝囝王子毅（Kyle）到中環行街，戴黑超、穿短裙的她大騷長腿，引來不少男途人眼望望。Eileen帶Kyle逛完書店，途經一間餐廳時，囝囝突然嚷着要飲果汁。等拎果汁期間，Eileen捉住囝囝企埋一邊訓話，講到七情上面，Kyle則全程望住媽咪唔敢出聲。

雖然畀媽咪童愛玲哦完一輪，但Kyle有得飲果汁就滿足晒！

童愛玲對囝囝訓話時一臉嚴肅。

Kyle被媽咪由餐廳「哦」到出門口，雖然冇晒心機，但步出時仍乖乖自行拿着戰利品，之後尾隨媽咪搭扶手電梯往下層的上落客區等車，然後齊齊登上七人車，由司機接載走人。