傅嘉莉（Kelly）拍攝《衝上雲霄II》後人氣急升，工作接踵而來。而她昨日出席活動竟遲到20分鐘，但她否認扮大牌，解釋只是溝通上出現誤會，並承諾下次會提早到場，一洗污名。

近日經常性感上陣的傅嘉莉收起「峰」芒，轉Sell甜美。

傅嘉莉（左）和春卷帶埋財神出場，向大家拜個早年！

着得密實唔緊要，春卷照扭腰拗出S形曲線！

藝人傅嘉莉（Kelly）及李思捷前女友王宝宝（春卷）昨日出席商場活動，據知，Kelly的酬勞是春卷三倍。活動原定12時開始，春卷於11時半已到場，但Kelly卻姍姍來遲，遲了20分鐘。

對於被指遲到，Kelly解釋：「我收到通告唔係12點，可能係少少誤會。（怕唔怕畀人話你紅咗扮大牌？）唔會，希望之後可以表現到我嘅專業，之前都係因為守時先有咁多工作。（春卷11點半已經到？）我下次會早啲，想畀人感受到我嘅專業態度，今次只係誤會。」

自爆有仔送花

早前生日的她表示在工作中度過，獲客戶送蛋糕，更自爆有追求者送花，Kelly開心地說：「我知佢唔喺香港，但估唔到佢會越洋送花，好驚喜！」

而春卷被問到新年會否去思捷家拜年？她笑說：「係都同我屋企人拜年先。（有報道指萬綺雯姣溝李思捷？）一個好轉變，平時係寫佢溝人。（但萬綺雯已婚。）係一個娛樂新聞，好有娛樂性。（知唔知佢有新歡？）我唔知。」她又自爆在港鐵看見有女子暈倒，即時上前扶起對方：「其實我自己係血糖偏低，好易暈，所以會隨身帶定糖。」