歌手狄易達昨日出席《貓屎媽媽》宣傳活動前遇上交通意外，為了避開在馬路上指揮交通的警員，情急下扭軚不慎撞到石壆，幸好只是受驚沒受傷，事後他在微博留言報平安：「好彩人冇事，車都冇事，只係嚇到個人震晒。」他受訪時憶述撞車的情況：「因為個交通警企喺死角位，我上急彎睇唔到佢，差啲撞埋去！好在嚟得切扭軚，咁就撞咗埋石壆度，不過好過撞到人，只係右邊車轆花咗。」他又稱警員亦目擊事發經過，但亦讓他開車離開。問他可有向緋聞女友報平安？他謂因怕對方擔心，故只致電經理人。

狄易達發生輕微車禍揩花車轆，事後如常出席活動。