岑麗香、米雪、胡定欣、王浩信、Regen（張惠雅）和陳嘉佳（小寶）等昨日宣傳新劇《貓屎媽媽》，劇集播出以來收視麻麻，香香表示要努力鼓勵觀眾收看，劇接劇的她最近忙於拍攝古裝劇《醋娘子》，她說：「好開心，係新挑戰！今次拍古裝，雖然我係中國人，但我都唔明啲歷史，不過都OK嘅，今次係喜劇輕鬆啲！」在外國長大的她近乎是中文「文盲」，趁拍劇學到不少中國成語，被要求舉例後思索數秒笑說：「一講完就唔記得！」《貓》劇中有很多香港的地道笑話，她都不明白箇中意思：「唔知自己講乜都要講，睇番都唔明。」對於好姊妹苟芸慧休息數月後逐漸復工，香香亦為對方開心。

香香（右）和定欣齊齊扮Cute，電暈晒粉絲！

肥妹小寶腰圍似乎同呼拉圈直徑相差不遠，轉起上嚟有難度！

Regen用頸玩呼拉圈，唔通諗住瘦頸？

王浩信一次過轉N個呼拉圈，神乎其技！

米雪姐則透露新年期間會有連續十場粵劇演出，更會性感上陣，問到會否穿肚兜？她謙虛的說：「觀眾都唔想睇啦！」