模特兒傅嘉莉（Kelly）今天29歲生日，昨日她與粉絲一同慶生，先後以誘人露臍裝及女僕Cosplay造型上陣。問到生日願望時，她說：「希望事業可以衝上雲霄，同埋所有人都身體健康。」而有意置業的她又透露現時仍在睇樓階段，打算在港投資工業大廈及於日本買物業。

Kelly以女僕Cosplay造型示人，粉絲Buy唔Buy？

感情方面，Kelly透露已物色到合適對象，雙方都互有好感，現正等待對方開口追求：「之前日本同啱啱嘅歐洲旅行佢都有同行，上次係投資旅行，主要係佢帶我去睇樓，今次就多咗時間放鬆咁相處吓！」她又透露旅程中本來有機會燭光晚餐，可惜她因不勝酒力而不適，結果令對方失望。