前港姐朱千雪與朱晨麗被指同時溝筍盤馬國明（馬明），爆出「爭仔」風波。雖然兩女人品不俗，但馬明卻專注事業，未為所動，向她們大派檸檬！

朱千雪大方讚緋聞男友馬國明好仔。

朱晨麗被指力追「筍盤」馬國明。

朱千雪與現場的小朋友玩得十分開心，母愛氾濫。

朱千雪昨日出席大埔商場活動，對於日前有報道指朱晨麗因不忿與馬明發展順利之際，卻被後來居上的她搶走，於是發力狂追馬明，二人出席倒數活動後各自駕車，卻被記者撞破而分道揚鑣。朱千雪表示未有看過相關報道，幾年冇拖拍的她笑言已習慣一個人生活，目前專注工作。問到有否覺得馬明是「筍盤」？她大方地說：「馬明的確好好仔，要了解吓。（有冇了解？）冇，工作行先！」

朱晨麗唔認「姣溝」

而馬明接受電話訪問時笑說：「好好笑，嗰日出活動我都有同朱晨麗講敖嘉年喺度，唔使車佢返去（敖嘉年與朱晨麗同住將軍澳），然後佢話佢有租車！」活動後，二人分別離開，居住東區的馬明卻因同路而被誤會密撻朱晨麗。問到有否感覺到兩女追他？他說：「係一般朋友相處模式，如果對方要追你，你會Feel到o架嘛！但真係冇！兩個都係好女仔，但大前提係冇爭過！」至於有沒有發展的機會？他說：「要了解吓先，但係冇時間。」

至於被指「爭仔」的朱晨麗昨日接受電話訪問，對於緋聞無奈地說：「呢段緋聞好耐之前o架！又翻炒？報道寫我係『姣精』就有少少唔開心！」她又指倒數活動當日與馬明同是嘉賓，同事傾偈是正常的社交，而且是迎接新一年的來臨，心情輕鬆愉快，並非「姣溝」馬明，並強調目前單身。