袁詠儀（靚靚）早前曾與老公Chilam打賭，若他失落視帝，便要送鑽石給老婆。前晚落敗的Chilam即兌現承諾，並即場為靚靚舉行簡單而隆重的送禮儀式，雙手奉上價值6位數字的名牌鑽石手鐲，並親自為靚靚戴上。雖然靚靚表示一早估到賽果，但亦不忘暗寸無綫：「我最叻啦！估到先會同佢輸賭，一早明白呢個遊戲玩法。」靚靚又在微博留言「多謝」無綫：「多謝TVB！多謝Tommy、珍姐、樂小姐、Sandy！及807位專業評委，沒有你們神聖的一票，這手鐲絕不會在我手上！」句句有骨。

Chilam送鑽石手鐲畀靚靚，並即場為老婆戴上。

靚靚晒鑽石手鐲，Chilam舉V支持。

此外，好友蔡一智及伍詠薇亦留言撐Chilam，蔡一智寫道：「不止是最受歡迎男角色，絕對係我們心中的最佳男主角！」而伍姑娘則為Chilam澄清小器傳聞：「認識張大仙的人，都知他個性，聰明活潑的他，識玩自嘲的黑色幽默兼有Guts的真心言論，實在難得又有型又有個性，同小器沒關係，抵咁多女粉絲冧你，幽默鬼，I love you brother。」