徐子珊、鍾嘉欣及田蕊妮等逾2,000名無綫台前幕後，昨晚出席無綫大型聯歡晚宴，全場只得蕭正楠派花生糖拉票。子珊指今年忙拍劇沒時間，故比去年低調，對於爭視后，她說：「平常心，上次有得攞（最受歡迎電視女角色）已經好好。（攞勤工獎？）我應該攞！我睇好鍾嘉欣同田蕊妮，視帝心水就係黃子華，我就留番下年繼續努力。」對於子珊「棄戰」，嘉欣說：「好多嘢都估唔到！」她又指視后候選號碼「12」是其幸運號碼：「『12』係我當年選華姐嘅號碼，咁啱頒獎禮又喺12月搞。」

視后大熱的嘉欣與陳展鵬齊齊風騷晒「12」。

棄戰的子珊（左）與「勁敵」田蕊妮密斟。

此外，無綫集團總經理李寶安說：「今年年尾獎金係1.25%至2.25%不等，會有5%加薪。」他又揚言沒阻藝人外出搵食。