剛為人父的陳豪出席活動時透露湊BB十分辛苦，由於要陪伴老婆陳茵媺餵人奶，每日只瞓得兩至四小時，齊齊捱眼瞓！而周麗淇對於陳豪催促她生BB表示順其自然，但呼籲男友不要在聖誕節驚喜求婚。

陳豪講起囝囝即眉飛色舞，讚不絕口。

陳豪催周麗淇快啲生B，真係皇帝唔急太監急！

陳豪與周麗淇昨日到金鐘出席新股招股活動，日前剛做老竇的陳豪繼續出動搵奶粉錢。提起兒子，他即甜到漏指兒子與老婆陳茵媺十分健康，老婆沒有產後抑鬱。講到湊BB，他笑稱只試過為兒子換尿片，卻未試過為兒子沖涼，由於兒子吃人奶，他會陪伴茵媺在側，一齊捱眼瞓餵夜奶，平均每晚只能有兩到四小時睡眠時間，但辛苦得來也十分開心。

此外，陳豪透露還未為兒子改中文名，現正在觀察其性格，亦會親自改名。曾六讚兒子靚仔的他繼續讚兒子人仔細細已經表情多多，不斷觀察周圍環境，聰明又可愛，但現在還未知兒子似爸爸還是媽媽。

周麗淇唔准男友求婚

此外，周麗淇透露陳豪催促她快生BB：「呢啲冇得快嘅，隨緣、順其自然，依家開心最緊要，冇任何計劃，我祝陳豪三年抱兩就真！」她又透露聖誕節會與男友在港度過，但還未知會如何慶祝，向來鬼主意多多的男友故作神秘。問到男友會否突然驚喜求婚？她即耍手擰頭說：「唔係啩！咁驚嚇、咁恐怖，呼籲千祈唔好搞呢啲嘢！」