林峯豪花百萬 千語笑晒返歸
「Chok王」林峯與女友吳千語花百萬元，豪遊日本兼順道慶祝其34歲生日。兩人昨日前後腳返港，林峯盡展「愛B號」精神，出錢又出力，除洗乾荷包變「乾峯」外，更阿四上身「行李任我推」！難怪享受萬千「峯愛」的BB可以盡情風騷。
推着幾大篋行李攰爆的林峯，聞千語BB即笑不攏嘴。
千語出席活動時否認與林峯在酒店房纏綿18小時，只表示食懷石料理很開心。
戴上黑超拿着手袋的千語BB率先步出閘口，零行李的她腳步輕鬆。
心情靚爆的林峯，親自搬行李上車。
林峯與千語BB「合體」豪遊九天東京、大阪後昨日返港，兩人前後腳離開機場時表現大不同，BB風騷又輕鬆，而甘做阿四推車、使乾百萬荷包變「乾峯」的林峯則疲態畢露「Chok唔出」，惟聞BB之名仍即時笑出聲，果真好愛BB，成副「愛B號」的幸福模樣。
昨午約1點45分，千語BB獨自率先步出閘口，見她零行李腳步輕鬆，玩足九天仍然精神奕奕，雖然未有回答記者問題，惟被問如何與林峯慶祝12月8日生日時，即冧笑洩「蜜」，與接機的工作人員會合後才風騷地說：「下晝有活動先再講啦！」
出閘顯倦容
相隔約10分鐘，林峯推着三大篋及一大袋戰利品步出。據知今次「峯語」九天日本豪華遊，來回商務客位、連日頂級酒店、子彈火車，再加上飲食使費及林峯推住的「一車」BB戰利品，豪使百萬元。
雖然昨午林峯出閘時未見腳軟，但明顯倦容滿面，如荷包洗乾一樣變成「乾峯」，當記者問他是否很攰時，他起初木無表情地說：「正常啊！」惟聽到問及生日如何與BB度過時，他立即笑晒口說：「生日淨係食好食嘅飯。」似仍在回味的他又拒絕透露使費，並笑說：「唔一定貴先開心，你哋點玩，我哋就點玩。」另外，昨日有網友在微博上載在日本名店MMM遇「峯語」的照片，相中見林峯得BB落力揀衫，再對比返港出閘時的冧到痹表情，定覺此行超值非常！
歎懷石料理
至於表示「下晝先講」的千語BB，其後出席活動，對於被指「送自己」作林峯生日禮物時，她說：「我諗實在冇乜好寫。（咁送咩？）送咩唔講得，我哋去咗間好難Book嘅餐廳食懷石料理，係我安排嘅，早一個月Book，用咗好多Effort（努力）先Book到。（食咗五位數？）唔係平貴問題，係好好食。」
問到有指「峯語」在酒店房內纏綿18小時時，千語即否認：「跟甩咗啫！我哋喺酒店附近，周圍去係旅行嘅意義，冇理由匿喺酒店房。」
