謝安琪（Kay）、張敬軒與鄧紫棋（G.E.M.）等歌手，昨日出席《第三十六屆十大中文金曲頒獎典禮》記者會，大會總監馮偉棠指今屆將停頒「金針獎」，但否認缺乏合適人選：「因為要頒好多獎，同埋會有向5位已故巨星致敬嘅環節。」而Kay與老公張繼聰在台上分開坐，但仍被司儀擺上枱取笑。Kay雖然與星煥提早結束合約，但仍與舊老闆何哲圖（Herman）及舊星煥歌手合照，問到是否仍屬星煥？她說：「未傾好，我今日係邊一間公司嘅代表都冇所謂啦！都係樂壇一分子。」她又表示不怕在頒獎禮食白果：「歌手出席頒獎禮可以單純啲，當係對樂壇嘅一份支持。」此外，早前與黃貫中（Paul）合作拍電影的她表示，對方不會用家事博宣傳。

吳若希（左起）、許廷鏗、何哲圖、謝安琪及鄭欣宜齊齊出席記者會。

薛凱琪在台上未聞歌卻起舞，突然咁有興致？

Fabel成員LoLo獨自出席活動。

同場的軒仔透露，花了5千多萬港元投資的廣州錄音室因被內地政府收地，預計在兩年內關門大吉：「政府有賠償嘅，我諗最多賠六成。蝕咗幾百萬、心機同時間，其實都唔係蝕嘅，學咗好多嘢！」