現年39歲的劉愷威與27歲的楊冪奉子成婚，明年舉行婚禮，堪輿學家陳子才認為二人婚後會互相帶旺對方：「劉愷威五行屬火，楊冪就屬土，五行學認為火生土，所以劉愷威婚後會好錫老婆，加上由佢地嘅命盤所見，劉愷威嘅老婆會係佢嘅貴人，會令佢嘅事業更上一層樓。而楊冪嘅老公亦都會幫助自己，換言之兩個人結婚之後，會帶旺對方。」他續說：「呢位馬年嘅BB出世之後，會旺爸爸多啲，同埋佢哋有望2015年再多一名小朋友。」對於二人舉辦婚禮的日期，陳子才大讚：「嗰日同佢地夫妻宮相合，會令件事更加完美。」
