不少藝人前晚都趁着萬聖節外出玩樂，但吳雨霏（Kary）則與吳若希（Jinny）及松岡李那出席本地時裝品牌的活動，Kary自言入行後首次在萬聖節當晚工作：「我班好姊妹已經去晒玩，本來大家傾好今年一齊扮鬼新娘，但我要做嘢冇得玩。」她又透露當天早上為新歌拍攝MV：「今次想拍一Take過嘅跳舞鏡頭，所以跳咗成日，依家腳仲軟緊。」

Kary大呻要於工作中度過萬聖節，無緣扮鬼新娘。

至於Jinny則表示向來對儲蓄有心得：「暫時儲咗一半首期，希望努力工作盡快實現業主夢。」並透露置業目標是小型單位。