藝人雨僑及莊思敏前晚出席電影《猛龍特囧》慶功宴，被問到原本合拍《喜愛夜蒲3》的DaDa復出一事，雨僑說：「估佢休息一排會復工，印象中佢係開心女仔，有機會都想合作。（教佢收身？）減肥會令人唔開心，佢身材咁好，太瘦唔好睇。」她還爆拍攝時被吊半空，導演竟對她說：「我咁X肥，吊咗半日都冇事！」令她更害怕。鄭中基則笑言女兒像太太余思敏：「好在唔似我，有對大眼睛。（做童星？）唔會喇！佢喺屋企好似指揮官，着咩衫由佢話事。」他還透露稍後執導與主演電影《張保仔》：「叫古天樂做係貪佢唔使曬黑，之後拍《金雞3》做古代嘅男伴。」

與雨僑出席慶功宴的鄭中基透露稍後會演男伴，幸好不用賣肉。

莊思敏低胸上陣但披外套，免得被指搶「峰」頭。