洪天明與太太周家蔚及「大哥」洪金寶前晚亦畀面出席餐廳開幕派對，現場有一名小男孩黐住洪金寶玩耍，原本坐定定低頭玩電話的大哥，隨即雀躍起來，不停與該名小男孩傾偈玩遊戲。

洪金寶與一名小男孩傾偈玩遊戲，樂也融融。

周家蔚出席餐廳開幕派對，真係畀面。

洪天明出席活動時表示想再添丁。

此外，洪天明前晚出席另一個活動時表示，原本要到內地工作，但行程臨時延期，故有更多時間陪屋企人，問他可有考慮再添丁？他說：「有o架，我自己想兩、三年內，但老婆因為工作就想三、四年後，但我想下個出世嘅時候大仔係三歲左右，唔好隔太遠（想生仔定女？）想生女，但如果下個都係仔，最多只會生3個，因為冇時間陪。」