蔡少芬遊泰幫老公探路

蔡少芬（Ada）及影帝張家輝前晚出席《殭屍》首映禮時碰面，隨即互相鬥嘴，張家輝對蔡少芬笑說：「唔係睇戲你就唔好嚟啦！」令Ada忍不住拍打他，十分搞笑。Ada表示老公張晉在上海不能出席，要向錢小豪說聲不好意思：「因為之前話咗會去撐佢。」她又透露早前與母親、阿姨和女兒到泰國旅行，老公冇得去而詐型：「佢話我好衰，我話佢仲未拍完戲，今次我去探路睇吓有咩好玩好食先，下次再同佢一齊。（老公畀錢？）梗係佢畀，佢努力搵錢，我就努力使錢。」而她最近亦有返內地出席商演，並指上次的「綁架」事件不會令她有陰影。