無綫主動向一眾舊將伸出善意之手，早前被「欽點回巢」的駱應鈞受訪時說：「係好事，不過我同王維基仲有年幾合約，可能要等件事再明朗化啲先可以決定到去向。」林嘉華則說：「我80年代加盟無綫，都先後離巢過兩次，如果再返去就第三次！依家返唔返去都仲未知，但對於有誠意嘅機構，唔排除任何合作機會。」至於艾威對無綫伸出善意之手似乎相當受落：「雖然我同王維基係同學，但都要簽合約o架！我同佢嘅合約到明年3、4月，當然想繼續喺演藝事業發展啦！」而張可頤指短期內不會重返無綫，因這幾年很嚮往自由身的生活，並澄清沒有財政問題。

多次被指身份尷尬的艾威，對於無綫的計劃相當受落。

此外，綠葉藝人張松枝亦大表支持，但他表示為尊重現有合約，暫不會想是否重投無綫，又指收入暫不成問題，對於昨日喜獲發哥打氣，他驚喜地說：「發哥有問我依家搞成點，話唔得嘅唔緊要，可以返內地。」

另外，香港電視多名藝員包括林文龍、林嘉華、楊淇及艾威等前晚在金鐘政府總部集會，素顏的廖碧兒亦有送上大袋西餅支持。提到導演王晶指「冇牌可能輸少啲」，林文龍寸爆說：「唔使擔心，就算王維基蝕晒又唔會問佢借嘅！」對於黃秋生現身撐場，林文龍認為作為娛樂圈一分子，支持是很正常的事。至昨晨林文龍、周家怡、李雨陽、唐寧及何思諺等繼續集會，林文龍表示仍在拍攝港視劇《Night Shift》，現不考慮其他出路，不知會否再跟無綫合作。唐寧則對不獲發牌感心痛，希望得知原因。