近日忙於在港為《變形金剛4》開工的內地女星李冰冰，昨日往上海出席著名鞋履品牌JIMMY CHOO的《SIGNATURE．名》歷代經典展覽揭幕晚宴。她透露活動後隨即返港繼續拍攝，十年前已在港拍戲，很喜歡這地方，尤其天氣與購物。被問到早前拍攝時遇「收陀地」事件，冰冰說：「嗰日我唔喺度，但唔會驚，香港係法治地方，呢啲事係意外，但唔會影響嚟香港拍戲。」冰冰還穿着限量版高踭鞋，指家中有收藏：「多到係災難！可以考慮開博物館展覽，有時太多鞋都會好心痛，但都唔會丟，第日着有復古味。」同場還有名模琦琦、內地女星孫儷及名模裴蓓等，琦琦透露專誠來看展覽，讚品牌的鞋履很性感，還早一日到埗與爹哋食飯慶祝生日，一口氣食十隻大閘蟹，送保時捷越野車做禮物。孫儷則透露兒子快兩歲，今次打扮是他幫手搭配：「畀三件佢揀，佢鍾意啲有色彩，所以揀呢件。」

李冰冰以露背打扮出席晚宴，自爆家藏不少高踭鞋。（攝：黎志輝上海傳真）

名模裴蓓身穿超低V晚裝，老公都忍唔住望。（攝：黎志輝上海傳真）

琦琦提早一日到埗與父慶生，狂食大閘蟹！（攝：黎志輝上海傳真）