謝安琪昨日出席粵劇名伶尹飛燕和梁兆明主演的舞台粵劇記者會，她表示雖有粵劇演出經驗，但實際只學過皮毛，又笑言在一班專業的演出者面前，不敢正式踏台板。

Kay手持「八千里路雲和月」字畫，相當有氣勢。

《八》劇由尹飛燕及梁兆明兩位老戲骨主演，令人期待。

丘亞葵（左）為舞台粵劇舉行記者會，Kay及詹瑞文親身捧場。

由粵劇名伶尹飛燕及梁兆明主演、製作人丘亞葵出品的舞台粵劇《八千里路雲和月》，昨日在本港舉行記者會，歌手謝安琪（Kay）及演員詹瑞文到場支持，還送上茶具和茶葉。

陣容強勁

Kay曾與視帝黎耀祥合作演出《帝女花》為慈善出力，她表示對粵劇感興趣：「做粵劇其實好好玩，傳統藝術好值得支持，演出嘅過程學到好多嘢，單係做手方面，其實一舉手一投足都好有意思。我只可以話學過皮毛，覺得歌詞上比較困難，好多嘢要記。」問到可有斟她一同演出？她說：「今次冇呀！因為班底好強勁、好專業，同埋位位都好頂尖，唔係好似我呢啲半途出家咁。」問到日後若有機會，會否有信心踏台板？她謙虛地說：「唔敢。」

詹瑞文則表示對不同文化藝術的演出都有興趣，笑言試過化大戲妝時因為頭飾太重以致頭痛兼嘔吐，令他覺得要正式演出絕不簡單。他亦希望稍後跟有關方面合作，製作跨媒體大型演出。

有望加場

至於尹飛燕透露今次暫定演出四場：「當然希望多啲人買飛可以加場，咁大嘅製作，當然愈做得多愈好啦！」並透露今次突破了過往的演出範圍，飾演母親角色：「我又好樂意嘅，因為我好鍾意演唔同角色，咁先會有進步。」