譚詠麟（阿倫）和李克勤的《左麟右李十週年香港有聲音演唱會》將於12月6至11日再次回歸紅館，兩人前日為演唱會拍攝特輯，並首次做「快閃黨」大鬧金鐘婚姻登記處，阿倫更遭觀禮師奶狂吻。

阿倫（左）和克勤到婚姻登記處「快閃」，令一對新人既驚又喜！

阿倫和克勤殺入街市，吸引大批市民圍觀。

阿倫和克勤化身成「和睦相處」和「開心快樂」，為市民帶來正能量！

阿倫和克勤的演唱會，今天起讓信用卡客戶優先訂票，而他們前日忙於拍攝《左麟右李左Friend右Band大派對》音樂特輯，走遍港島區做「快閃黨」，為歌迷送上音樂特輯入場券。他倆分別到金鐘登記處、灣仔街市、碼頭、「左麟右李」粥麵店和電車站等與歌迷近距離接觸及唱歌。

阿倫表示入行多年從未玩過「快閃」，但最難忘的是在婚姻登記處突擊一對新人，他笑說：「新郎哥仲以為係啲兄弟姊妹夾埋玩佢，佢真係又驚又喜！喜當然係見到我同克勤啦，而驚就係怕要畀錢，佢不斷大叫：『邊個請佢哋嚟，呢單嘢玩到咁大，我唔畀錢o架!』嗰啲真情流露好好笑！」而新娘子同樣開心得「見牙唔見眼」，同場的觀禮賓客最興奮，尤其是一班師奶Fans更爭相與他們合照及握手，又排隊給阿倫送吻。阿倫笑說：「佢哋錫到好似啄木鳥咁。（蝕底晒？）冇所謂啦！最緊要大家開心，我哋突然出現嚇到佢哋呆咗，我哋都好開心！」

提升港人正能量

問到出席婚宴有多少酬勞？阿倫笑指是天文數字，他和克勤從不接這類工作，去玩去戥人高興就可以。他還表示開演唱會的目的是想提升港人的正能量，因港人近年被不開心的事影響，積下很多怨氣，他和克勤都希望化身「和睦相處」和「開心快樂」，將快樂帶給港人。