林峯女友吳千語前晚出席i.t X STYLENANDA開幕活動，穿上露腰裝的她自覺十分性感，問到是否男友不准性感？她說：「佢知我底線高，我有次去金像獎着咗Deep V，睇番相都覺得尷尬。（男友有冇睇？）冇呀！報紙雜誌都有登。（拍電影會唔會性感？）未遇到，泳衣都OK，形象健康。（比堅尼喎？）唔敢着冇帶嘅，驚會甩。（怕唔怕唔性感會減少工作？）唔係我範疇，少少性感都得。」

吳千語以露腰裝出席活動，並自言性感底線高。

柏豪對於早前被誤以為是男優一事只當笑話一則。

而周柏豪對於早前被指是AV男優，他當作笑話一則：「好慘！報道就C1，澄清就C59！（朋友有冇笑你？）冇提。（認定係你所以唔講？）可能啦！不過都澄清得快。」他又指有看過該片，並大讚男優身形靚。