陳豪與太太陳茵媺的首個愛情結晶品將於十二月出世，距今不足兩個月，昨日準爸爸陳豪出席活動時，一副慈父模樣，相當受小朋友歡迎，問到BB的性別時，更漏口風：「唔使一頭半個月就知。」

陳豪提到即將出世的BB時，不小心漏了口風。

準爸爸陳豪出席活動時大受小朋友歡迎，而他亦相當受落。

陳豪與陳茵媺的愛情結晶品將於十二月出世，相信是最好的聖誕禮物。

廿四孝媽咪歐陽妙芝專誠請了韓語老師教兩個仔仔學韓語。

姚嘉妮和老公林祖輝帶同女兒及細仔出席活動。

陳茵媺自懷孕以來，對於BB的預產期和性別一直守口如瓶，據知陳茵媺現已懷孕7個多月，預產期在12月底，還有不足2個月BB便出世，這將會是陳豪和陳茵媺今年收到最感恩的聖誕禮物。準爸爸陳豪昨日以大使身份，出席全球首個《Kinder + Sport童跑同樂馬拉松》活動，只見陳豪大受小朋友歡迎，更不停叫喚他的名字及跟他傾偈，他笑說：「今年真係多咗好多小朋友Fans，佢哋自己會走埋嚟，爬上腳影相，我都好鍾意同小朋友相處，對佢哋多咗份好奇。（做定功課？）做功課同資料搜集，身邊好多朋友有小朋友，好多資料畀到我，大家多咗話題。」他表示除買育嬰書刨書外，希望稍後會跟太太一同上產前課程，學習如何面對小生命，並會陪太太做產檢，不想錯過BB的每個成長階段。

寄望BB待人有禮

一副慈父模樣的他，卻笑言未知是慈父還是嚴父，因為未知BB個性，只希望BB長大後做個好人：「我都充滿好奇心，諗緊點幫助佢成長，希望佢為人設想有禮貌，唔想太過嚴，我會同太太玩包剪揼嚟決定邊個做好人同壞人。」問到BB的性別時，他表示稍後才公布，再追問何時？他即口快快說：「唔使一頭半個月。」12月底預產期之說更呼之欲出。對於早前陳茵媺駕車外出時發生交通意外，他說：「唔係佢自己想，係人哋撞佢，盡量我車佢，唔係話唔畀佢揸車，盡量唔好啦！大肚婆盡量唔好自己出街，要有人陪。」可見愛妻情切。

另外，同場的姚嘉妮和林祖輝帶同4歲半女兒及14個月大的囝囝出席，而名模歐陽妙芝亦帶同兒子方玉丞和方玉亨支持，妙芝透露細仔11月便6歲生日，屆時會帶兩兄弟唱K慶祝，因為他們均很喜歡唱韓語歌，廿四孝媽咪的她，還專誠請了一位靚女韓語老師教授兩子。問到囝囝有否參加馬拉松賽事？她說：「大仔要趕去學數學，呢個年紀嘅小朋友好辛苦，但我都力不從心，想佢輕鬆都唔得，怕佢哋唔夠人競爭，所以帶佢哋做運動輕鬆吓，我做媽咪都要減吓壓。」她又透露大仔現正學習12樣東西，包括語言和功夫等，細仔也有上興趣班。