鍾舒漫（Sherman）前日到唱片店宣傳新碟《Everlasting》，即場為Fans簽名。Sherman表示會買最少10張碟送給親友，並有意為全碟歌曲拍攝MV:「今次寫咗7首歌，好多都好鍾意，所以冇拍MV，自己都想拍條簡單版MV放上網。」問到可會邀請緋聞男友張致恒做導演，她大方地說：「OK呀！佢以前都幫我拍過短片，但我唔會為點擊率而刻意性感。」而Sherman更坐言起行儲錢買攝錄機，但她強調只會拍和音樂有關的片段，她說：「唔會教扮靚喇，香港已經有好多人拍緊，自己寫嘅專欄都有教。」

鍾舒漫到唱片舖宣傳新碟，表示有意為全碟歌曲拍MV。