謝天華、楊怡、徐子珊與周麗淇（Niki）等前晚出席無綫高層梁乃鵬的飯局，老闆陳國強、高層李寶安、樂易玲及曾勵珍亦有現身。梁乃鵬於祝酒時誇口指無綫永遠做老大，台下掌聲連連。已另起爐灶的天華仍備受重視，獲安排坐主家席，與梁乃鵬及陳國強同枱，席間更與陳國強密斟，相信是洽談未來合作大計，而梁乃鵬亦特別與天華祝酒。

已離巢的謝天華出席無綫高層飯局，大合照時仍獲安排企中間位置。

周麗淇讚緋聞男友徐正曦孝順，暗示係心中杯茶！

至於Niki被問到與寰宇旗下藝人徐正曦傳拍拖，她說：「係朋友階段，希望大家畀機會相處。（佢有咩吸引你？）好男仔、孝順又有上進心。（生日送自己畀你？）冇咁老土！（獻吻？）唔記得，總之依家好開心。」而剛從內地返港的楊怡則透露，早前獲老友馬浚偉贈大利是，稍後才約緋聞男友羅仲謙食飯。她又指正受頸骨刺及腰患困擾，有朋友建議游水減壓，問到會否找曾當救生員的謙謙指導？她笑說：「我驚水，唔想下下叫救命！」

另外，對於無綫鬧生旦荒，樂易玲直言以家長身份讓藝人外闖屬好事：「我哋張約係好殘忍簽好多年，一線藝人都係，而大家所謂嘅請外援，好似張兆輝、吳啟華咁，返嚟其實好似返娘家咁。」