藝人蔚雨芯、楊焉、張繼聰和江欣燕等前晚錄影遊戲節目，蔚雨芯與楊焉扮Friend粉碎不和，但兩人受訪時卻話中有話。而張繼聰與江欣燕則分別扮張國榮及梅艷芳玩遊戲，出現疑似「靈異事件」！

張繼聰和江欣燕分別扮哥哥和梅姐，豈料唱歌太難聽引來「靈異事件」！

蔚雨芯（左）和楊焉錄影《獎門人》時玩到忘晒形，並否認不和。

馬蹄露扮Lolita登場，連金剛都嚇親！

曾志偉

蔚雨芯（Rainky）、楊焉（Carol）、張繼聰和江欣燕等前晚錄影《超級無敵獎門人終極篇》，張繼聰扮張國榮，江欣燕則扮梅艷芳，與Lolita Look的馬蹄露同隊，獎門人曾志偉笑說：「呢隊邪隊！唔好望！」當馬蹄露主動挑逗金剛時，金剛避之則吉。

後來張繼聰與江欣燕玩「超級無敵過過過」數銀紙，唱歌時快時慢，志偉訓斥：「唱到梅姐都彈起身！」之後同一疊銀紙放進數銀紙機，讀數卻次次不同，志偉見狀又說：「梅姐顯靈！唔好玩喇！」說畢眾人作狀向天拜拜後，數銀紙機才回復正常。

Rainky揚言與傳不和的Carol同隊不尷尬，她說：「邊有不和！啲人亂講！（你逼到佢學打拳轉做打女？）學嘢每個人都要，我都想學呀！或者佢學嚟防狼！佢又咁靚女！」

蔚雨芯楊焉扮Friend

至於Carol被問到與死敵同隊的感受，她似感厭煩：「邊個死敵？唔使次次拉埋一齊講！（同蔚雨芯係咪Friend？）我入公司冇耐，唔會有咩不和，但我私底下真係冇同佢行過街。」又指學拳只是做自己想做的事，否認被Rainky搶Job。