「玩具大王」蔡志明兒子蔡加讚前晚出席頒獎活動，提到未婚妻汪圓圓為籌備婚禮緊張得失眠，他表示會為她分擔。問到可有着姊妹團「手下留情」？他笑說：「實玩！我會克服所有遊戲，不過最驚要我食唔想食嘅嘢，我叫佢唔好要我食菇類嘢。」同場的廿四孝爹哋李克勤表示每天送囝囝返學，至於會否向譚詠麟（阿倫）請教「尖子攻略」？他說：「咩都可以講，係唔敢講佢嘅嘢，留番佢自己講。」談到年底的演唱會，他指與容祖兒同月開騷沒衝突：「我一定會去睇佢，話有瞓身演出喎！」

準新郎蔡加讚有晒心理準備被姊妹團玩，認真識做！

乖仔曉風入名校，難怪阿倫唱得咁風騷。

克勤日日送囝囝返學，好爸爸非佢莫屬。

至於阿倫昨日出席校園騷，有傳其子譚曉風將入讀外國名校，記者提議他到兒子學校表演，阿倫笑說：「要搭飛機喎！（飛咗喇？）總之唔係香港嘅學校。」