萬聖節將至，張智霖（Chilam）前晚為主題公園擔任嘉賓，他指婚前與太太袁詠儀（靚靚）亦有玩鬼屋：「阿靚好鍾意畀人嚇，拍拖時都有玩，好Sweet，都想重拾呢種情趣！（囝囝？）佢讀國際學校，都有呢啲嘢玩，會幫佢打扮吓、準備定啲糖！」憑「Cool魔」一角賺大錢的Chilam，早前被拍得睇獨立屋，他自言是「睇樓迷」：「希望可以變成鍾意買樓！（主持睇樓節目？）我恨o架！可以睇吓人哋啲裝修。（幾時買？）等樓價合理啲先。」

Chilam跟小儀一同到主題公園準備「被鬼嚇」！