徐濠縈幸福唔怕「小三」

徐濠縈前晚出席時裝活動時透露上月底跑馬拉松時扭傷左腳，但沒有中途放棄，因要做女兒的好榜樣：「我有體育精神跑晒，醫生話有少少骨裂。」提到早前有指她養鬼仔，她直斥詼諧及不必再作解釋：「鍾意跑步嘅人好堅定，對自己有信心，我生活好美滿幸福。（話你養鬼仔係防止老公陳奕迅Eason有小三？）都冇做過呢件事！」此外，梁漢文前晚出席活動被問到好友徐濠縈被指養鬼仔，他笑說：「邊個國家o架？係咪英國？佢屋企有隻啦（指Eason）！」另外，年底在台北小巨蛋舉行個唱的Eason，昨日專程飛往當地以代言人身份出席記者會，並與同場的小女孩大擺可愛甫士。