李治廷戀冰冰「有愛就通」

被網友踢爆與范冰冰到布吉旅行的李治廷，昨晚與師妹JW出席新片特別場，問到與冰冰單獨去旅行及被指情不自禁錫錫，他即澄清：「有冇相先得o架？呢啲私人嘢唔答啦！」但他透露與冰冰仍保持聯絡：「冰冰有話我咁遲先同佢講有特別場，又話冇人邀請佢。」他大讚冰冰是一流好女仔，更暗示與對方有發展空間：「最近好暖！拍戲前都要了解導演同演員，唔應該框死愛情，唔止姊弟戀，好多嘢有愛就通。」JW則表示一直覺得冰冰很靚！