林峯自去年公開承認與吳千語的戀情後，對女友照顧周到，前日下午5時許千語與女助手在中環行街，經過一輪掃貨後便由一部林峯名下的黑色七人車接送離開，認真體貼！

千語掃貨後便登上男友的黑色七人車離開。

林峯出席活動時澄清沒有自組公司。

而近日有傳林峯為了千語拒續約TVB，並有意另起爐灶，自組公司，千語日前已表示有很多不實報道，林峯昨日出席活動時同樣否認：「又會有啲咁嘅傳聞，幾得意，我冇自組公司。（有冇公司向你招手？）其實我同每間公司合作都要經TVB。」他又解釋與TVB明年才約滿，問到公司可有提續約一事？他笑說：「未喎！死喇！係咪公司唔要我喇！」他又表示現正考慮未來工作方向，因家人希望他幫手打理生意，但強調續約第一選擇依然是無綫，最重要的考慮因素是生活平衡，問到生活平衡是否指拍拖？他說：「係包好多嘢，唔只拍拖，成日捱更抵夜，之前做身體檢查雖然冇咩嘢，但都肥咗，冇咁多精力做咁多工作，要休息吓。」