對於菲鵬離婚，陳法拉昨晚出席《全新保時捷Panamera第二代四門轎跑車》發布會時說：「有睇過佢（王菲）演唱會，喺後台見過面，佢一直係我偶像。有啲可惜，呢啲始終係佢哋決定。（之前傳你同薛世恒秘婚同離婚，感同身受？）今日係王菲生命中一件大事，唔應該多加自己嘅事上去。」

陳法拉

陳百祥

楊怡

而楊怡、謝天華及陳百祥（阿叻）對王菲「分訊」均感突然，楊怡說：「真係可惜、突然同奇怪！諗唔到佢哋點解離婚，向來都好恩愛，但兩夫妻相處好講緣分！佢哋搞咗個『嫣然天使基金』，希望可以繼續維持去幫啲小朋友！」天華說：「消息真係好突然，以前食飯見過面，相信離婚係某方面原因，相處嘅問題！」阿叻則說：「同王菲係點頭之交，佢嘅性格唔會收埋，今次離婚都未必係唔好嘅事，可以出番嚟唱歌添，王菲係繼鄧麗君後最靚聲嘅人！」