全港最年輕女子組合BBCute，由星級團隊林敬剛（King Kong）、張佳添、郁禮賢及廿四味成員Ghost Style全力打造，眾女既活潑又有實力，難怪輕易俘虜一眾師傅的心，大讚她們音準及有天分，King Kong又嘗試碌人情卡，為BBCute覓拍片機會。

BBCute的平均年齡約七歲，相信是全港最年輕的女子組合。

林敬剛（左起）、張佳添、郁禮賢及Ghost Style組成星級團隊，力捧組合BBCute。

無綫藝人King Kong投資的娛樂公司，早前邀得音樂人張佳添、歌手郁禮賢（Kasa）及廿四味成員Ghost Style坐鎮，打造平均年齡約七歲的女子組合BBCute，11位四至九歲的「妹豬」樣子甜美，唱得又跳得，難怪獲一眾「師傅」讚不絕口。

早前BBCute為新歌《Dream Big》錄音，雖然九歲的Kelsey因病缺席，但錄音室內的氣氛依然「高漲」，「BB組」竟狂「猜枚」，認真七國咁亂！但四位導師十分淡定，負責排舞的Kasa說：「平時會嚴厲少少，同佢哋講下道理，但講得太多佢哋會悶，畢竟細路女要氹，我會買糖請佢哋食。其實佢哋好有責任感同好認真，都唔係咁難控制，BBCute個個都好有天分！」他更笑言有衝動生女！

音準佳可塑性大

至於教唱歌的張佳添坦言小朋友的專注力較低，在指導她們時不能太多理論，要引起她們的興趣，他又讚BBCute音準佳：「佢哋資質幾好，唔使由零開始，好快就Get到要做乜，佢哋嘅可塑性好大！」而作曲的Ghost Style則笑說：「佢哋叻過我哋！」又表示家中有一個兩歲的兒子，相信能控制「大局」：「我覺得將佢哋嘅Energy擺喺首歌度會更好！」問到會否影響她們讀書？King Kong說：「佢哋通常喺周六上嚟公司學唱歌同練跳舞，但都要徵求家長意見，儘量就佢哋返學時間。（父母幫自己個女爭做主角？）冇，佢哋好融洽，好似一家人咁。」他又盼望好友林家棟及錢國偉等能給予BBCute拍片機會，或做小主持來吸取經驗，更笑稱會碌人情卡，請老友當戲劇導師。