英皇歌手泳兒與洪杰出席Cosplay活動時各自憶起「童年陰影」,泳兒曾以Bra Top上陣,被迫扮演「未發育」的性感美人魚;而洪杰本想以鬚根Look扮型男海盜Johnny Depp,怎料因身材太瘦而被取笑似元華。

泳兒曾經穿Bra Top扮美人魚,但卻以T-shirt打底。

洪杰承認與緋聞女友朱紫嬈一起慶祝生日。

提到Cosplay,泳兒與洪杰都各自憶起「童年陰影」。

泳兒與洪杰日前為Cosplay比賽擔任嘉賓,在場的女參賽者大多以性感低胸裝上陣,令洪杰大開眼界,他笑說:「未見到佢哋正面,但見到背面都已經好性感!」問到二人有否Cosplay經驗?泳兒表示曾以性感的美人魚造型登場:「小學時,老師要我哋扮卡通人物,但冇人肯舉手,結果搞到老師發脾氣,我就自告奮勇做美人魚,點知要着Bra Top!」但怕醜的她在初賽時竟然在Bra Top內以T-shirt打底,成功壯膽後才在決賽「脫」穎而出,她說:「我去到決賽先冇着Tee,係我有生以來最性感、最Open嘅演出!不過當時小學未發育健全,哈哈!」問到有否試過與現任男友角色扮演?她表示希望男友反串扮貓女郎:「冇呀,佢扮咪得囉!我想佢扮貓女郎,會好笑好多!」

與朱紫嬈慶生

至於洪杰亦曾在萬聖節以假鬍鬚扮演海盜Johnny Depp,他說:「不過因為我太瘦,唔夠佢咁靚仔高大,結果每個人見到我都話我似元華大哥!」而在本月中生日的他又透露老闆楊受成有送花給他做禮物,他又直認與緋聞女友朱紫嬈及一班朋友開Party慶祝生日。