周杰倫前緋聞女友洪詠霖原來是完美主義者，早前拍攝寫真時就因為要求多多而得罪工作人員，她表示：「我係數學零蛋嘅人，要求又高，搞到寫真嚴重超支，經理人公司唔敢再畀錢，我自己都要畀六位數字埋數。我同攝影師張文華都一樣要求多多，好記得有一日攝影師因為唔滿意我嘅服裝，結果將我哋花咗近五小時拍攝嘅相刪除晒，全場鴉雀無聲，我都知好多工作人員好嬲我同張文華！」

洪詠霖和攝影師都追求完美，令不少工作人員大感頭痛。

洪詠霖坦言下次製作唱片不敢再要求多多：「之前我太高要求，有少少吹毛求疵，搞到製作費嚴重超支，嚟緊我會推出唱片，當中有自己填詞嘅作品，但我今次唔敢要求太多，否則拍MV時我怕會畀工作人員殺死，哈哈！」